काठमाडौं । सत्ता साझेदार दलहरुको उच्चस्तरीय राजनीतिक संयन्त्रको बैठक भोलि (शुक्रबार) बिहान बस्ने भएको छ। आज दिउँसो ३ बजे बस्ने भनिएको बैठक प्रधानमन्त्री पुष्पकमल दाहाल प्रचण्ड र संयन्त्रका संयोजक समेत रहेका एमाले अध्यक्ष केपी शर्मा ओलीको भेटवार्तापछि शुक्रबार बिहान गर्ने तय भएको हो ।
एमाले अध्यक्ष ओलीसँगको छलफलपछि सिंहदरबारमा सञ्चारकर्मीसँग कुरा गर्दै प्रधानमन्त्री प्रचण्डले संयन्त्रको बैठक शुक्रबार बिहान ९ बजे बस्ने बताए।
प्रधानमन्त्री प्रचण्ड र एमाले अध्यक्ष ओलीबीच बुधबार पनि छलफल भएको थियो। बुधबारको छलफलपछि बिहीबार संयन्त्रको बैठक बस्ने भनिएको थियो। सुदूरपश्चिम प्रदेशमा नेकपा एमाले नेतृत्व सरकारले विश्वासको मत नपाएर सत्ताबाट बाहिरिएपछि यसबारेमा गहन छलफल हुने बताइएको छ ।
प्रतिक्रिया लेख्नुहोस्:-