काठमाडौं । केही दिनदेखि लगातार बढेको शेयर बजार मंगलबार पनि उच्च अंकले बढेको छ । आज नेप्से ७५ अंकले बढेर दुई हजार पाँच सय ६३ दशमलव ४३ को बिन्दु कायम भएको हो।
मंगलबार तीन सय १७ कम्पनीको तीन करोड ९७ लाख ९० हजार आठ सय ८९ कित्ता शेयर एक लाख ७१ हजार तीन सय ८७ पटक खरिदबिक्री हुँदा रु १४ अर्ब ११ करोड ६३ लाख ३० हजार नौ सय ९५ बराबरको कारोबार भएको छ।
आजको कारोबारमा सबै समूहका उपसूचक हरियो देखिँदा सबैभन्दा धेरै व्यापार समूहको उपसूचक पाँच दशमलव ०६ र जीवन बीमा समूहको उपसूचक चार दशमलव ४५ प्रतिशतले बढेको छ। छ वटा कम्पनीको शेयर मूल्यमा आज सकारात्मक सर्किट लागेको छ।
प्रतिक्रिया लेख्नुहोस्:-