स्यानफ्रान्सिस्कोमा आइतबार नेपाल डे परेड हुँदै, सबैलाई सहभागी हुन अपील

स्यानफ्रान्सिस्को । एनआरएनए क्यालिफोर्नियाको मुख्य आयोजनामा आगामी आइतवार मे १० मा स्यानफ्रान्तिस्को शहरमा भव्य रूपमा ‘ ‘नेपाल ड़े परेड’ कार्यक्रम हुदैछ ।
स्यानफ्रान्सिस्को स्थित नेपाली महावाणिज्यदूतावासले संरक्षण गरोको उक्त परेड कार्यक्रममा बे एरियाका प्रमुख स्थानवाट सयौं नेपालीहरु विभिन्न भेषभूषा एवं झाँकीका साथ मार्चपास गरिने आयोजकले जनाएका छन् ।
एनआरएनए क्यालिफोर्नियाका अध्यक्ष केपी ढकालले दिएको जानकारी अनुसार उक्त परेड सिटी हलवाट विहान ११ वजे शुरु हुने परेडले मार्केट स्ट्रिट हुदै इम्बाकडेरोमा गएर सम्पन्न हुनेछ I कार्यक्रममा विभिन्न जातजाती एवं भेषभूषा झल्काउने संगीत/ नृत्य एवं बाजागाजाको प्रस्तुती हुने बताइएको छ l
कार्यक्रमको समापन समारोहलाई महावाणिज्यदूत लक्ष्मण खनाल लगायत बे एरिया वरपर शहरका मेयर हरुले सम्योधन गर्ने कार्यक्रम तय गरिएको छ I
यहास्थित नेपालीहरुको पुरानी एवं छाता संगठन न्यान्स लगायत का संस्थाहरुको सहकार्यमा हुने सो नेपाल डे परेड कार्यक्रममा सहभागी हुन एनआरएनए क्यालिफोर्निया अध्यक्ष ढकालले सबैलाई अनुरोध गरेका छन् । ‘ यो प्रत्येक नेपालीको साझा र आफ्नै कार्यक्रम हो, सबैलाई चुल्है निम्ता गर्छु’, ढकालले भने ।