काठमाडौं । जनता समाजवादी पार्टी (जसपा) ले सम्मानजनक शक्ति बाँडफाँट भए आफ्नो दल सरकारमा सहभागी हुने निर्णय गरेको छ ।
पार्टीको राजनीतिक समितिको मंगलबार सकिएको बैठकले आफूहरुको सम्मानजनक प्रतिनिधित्व भए सरकारमा सहभागी हुने, नभए सरकार बाहिरै बसेर समर्थन गर्ने निर्णय गरेको हो ।
राजनितिक समितिमा सरकारमा जाने, नजाने विषयमा सदस्यहरुको मत बाझिएको थियो । तर, बहुसंख्यक सदस्यहरु सरकारमा जानुपर्ने पक्षमा उभिएपछि सम्मानजनक शक्ति बाँडफाँट र सरकारको नीति तथा कार्यक्रममा परिवर्तनका एजेण्डाहरु समावेश भए सरकारमा सहभागी हुने निर्णय गरेको पार्टी प्रवक्ता मनिषकुमार सुमनले जानकारी दिए ।
प्रतिक्रिया लेख्नुहोस्:-