प्रधानमन्त्री प्रचण्डको सचिवहरुलाई निर्देशन : गुनासो नआउने गरी काम गर्नू

काठमाडौं । प्रधानमन्त्री पुष्पकमल दाहाल ‘प्रचण्ड’ले नागरिकका गुनासो नआउने गरी काम गर्न सचिवहरूलाई निर्देशन दिएका छन् । दुईदिने बैठकपछि उनले मंगलबार प्रधानमन्त्री तथा मन्त्रिपरिषदको कार्यालयमा सबै सचिवलाई राखेर यस्तो निर्देशन दिएका हुन् ।

लाइसेन्स, राहदानी, राष्ट्रिय परिचयपत्रलगायतमा देखिएका समस्या समाधान गर्न पनि प्रधानमन्त्रीले निर्देशन दिए। त्यस्तै, प्रदेशसँगको समन्वयलाई प्रभावकारी बनाउन पनि उनको निर्देशन छ।

सुशासन कायम गर्न कटिबद्ध भएर काम गर्न पनि उनले सचिवहरूलाई निर्देशन दिए। ठूला आयोजनामा आफैँले अनुगमन गर्ने घोषणा पनि प्रधानमन्त्री प्रचण्डले गरेका छन्।