काठमाडौं । गृहमन्त्री रवि लामिछानेले शक्तिखोर औद्योगिक क्षेत्र सञ्चालन गर्न आफू प्रतिवद्ध रहेको बताएका छन् । उनले विहीबार चितवन उद्योग संघको आयोजनामा उद्योग क्षेत्रमा देखिएका वर्तमान समस्या र औद्योगिक विकासका लागि सरकारसँगको अपेक्षा विषयमा आज छलफलका क्रममा यस्तो बताएका हुन् ।
चितवन उद्योग संघका अध्यक्ष त्रिलोचन कँडेलको अध्यक्षतामा भएको छलफलमा संघका उपाध्यक्ष युग राज वस्तीले संघले अघि सारेका महत्वपूर्ण परियोजना चितवन प्रदर्शनी केन्द्र, प्रस्तावित शक्तिखोर औद्योगिक क्षेत्र, औद्योगिक पाठशाला, औद्योगिक शिक्षालय, बिक्री केन्द्र, वर्तमान समयमा उद्योगीहरूका समस्या र समाधानका लागि सुझावहरू सहितका विषयमा लामिछानेलाई जानकारी गराएका थिए ।
जानकारीपछि गृहमन्त्री लामिछानेले संघले अघि सारेका परियोजना निकै महत्वपूर्ण रहेको बताए । आफूलाई चितवनका जनताले दिएको मतको कदर गर्दै आफूले उद्योगीहरूको समस्यालाई समाधान गर्ने मुख्य लक्ष्य लिएको समेत उनले बताए ।
प्रतिक्रिया लेख्नुहोस्:-