काठमाडौं । नेकपा एमाले छाडेर स्वतन्त्र बसेका घनश्याम भुसाल नेकपा (एकीकृत समाजवादी) मा प्रवेश गरेका छन्। उनी शुक्रबार काठमाडौंमा पत्रकार सम्मेलनको आयोजना गरेर समाजवादीमा प्रवेश गरेका हुन्। माधवकुमार नेपालले एमाले विभाजन गरेको डेढ वर्षपछि भुसाल समाजवादीमा प्रवेश गरेका हुन्।
नेकपा एमालेमा रहँदा भुसाल माधव नेपाल समूहमै थिए। २०७८ असार २७ गते एमाले अध्यक्ष केपी शर्मा ओली र नेपाललाई मिलाउन बनाइएको १० बुँदे सहमतिपत्रका एकजना मस्यौदाकार भुसाल पनि थिए।
तर नेपालले २०७८ साउनमा एमाले विभाजन गर्दा उनले माधव नेपाललाई साथ दिएका थिएनन्। तर मंसिर ४ को निर्वाचनमा एमालेले टिकट नदिएपछि उनी पार्टी छाडेर स्वतन्त्र रुपमा रुपन्देही १ मा उठेका थिए।
उनलाई नेपाली कांग्रेस र माओवादीको पनि साथ मिल्दा उनले एमालेका छविलाल विश्वकर्मासँग पराजय व्यहोरेका थिए।
प्रतिक्रिया लेख्नुहोस्:-