दूरबिन नेपाल, अमेरिका
मानिसहरु यौनको लागि कति मरिहत्ते गर्छन भन्ने उदाहरण धेरै छन । यौनकै मामलामा मानिसहरुले होस गुमाउंदा धेरै बर्बादीका घटनाहरु भएका छन । मानिसहरुको ज्यानै गएको त छंदैछ । कति आजिवन अशक्त बनेका छन । हामी चर्चा गर्दैछौं यस्तो घटनाको जसमा एक जना मानिसले गोरुलाई खुवाउने यौन उत्तेजक औषधि सेवन गरि झण्डै मृत्युको मुखमा पुगेका थिए । घटना हो अमेरिकाको छिमेकी मुलुक मेक्सिकोको । मेक्सिकोको रेनोशा सहरमा एक जना व्यक्तिले गोरुलाई प्रजननका लागि उत्तेजित पार्न खुवाइने औषधि सेवन गरी बिरामी भएका थिए । उनी गोरुको भियाग्रा सेवन पछि सिकिस्त भएपछि स्पेसलिष्ट हस्पिटल २७० मा आकस्मिक कक्षमा भर्ना भए । पछि उनको शल्यक्रिया गरिएको थियो । उनको पछिल्लो स्वास्थ्य अवस्थाको बारेमा कुनै जानकारी नआएपनि उनी बांच्न भने सफल भएको बताइएको छ । तर उनको यौनशक्ति भने ह्रास हुने अनुमान गरिएको छ । गोपनीयताको लागि उनको नाम सार्वजनिक गरिएको छैन । एक ३० बर्षीय महिलासंग यौन सम्पर्क राख्न उनले जनावरलाई प्रजननका लागि उत्तेजित पार्न प्रयोग गरिने औषधि प्रयोग गरेको जनाइएको छ । गत बर्ष बेलायतमापनि एक व्यक्ति यस्तै प्रक्रृतिको घटनाका कारण अस्पतालमा भर्ना भएका थिए । उनको पनि शल्यक्रिया गरिएको थियो भने उनको यौनस्वास्थ्यमा निकै पछिसम्म पनि समस्या आएको थियो ।
एजेन्सिको सहयोगमा
प्रतिक्रिया लेख्नुहोस्:-