धनगढी । थ्री स्टार क्लब तेस्रो नेपाल आइस अन्तर्र्रािष्ट्रय सुदुरपश्चिम खप्तड गोल्डकपको फाइनलमा प्रवेश गरेको छ । धनगढी रंगशालामा बुधवार मेची नेत्रालय काक्करभीट्टा फुटबल ट्रेनिङ सेन्टरलाई २–० ले हराउदै थ्रीस्टार उपाधी नजिक पुगेको हो ।
खेलमा मेचीले थ्रीस्टारलाई ६९ मिनेट भन्दा बढी रोक्न सकेन । रुपेश केसीले थ्रीस्टारलाई अग्रता दिलाए । उनले रन्जन क्रसमा बुद्ध चेम्जोङले दिएको हेडरको सदुपयोग गरेका थिए ।
८० औं मिनेटमा थ्री स्टारले अग्रता दोब्बर पार्यो । सुनील बल थ्रीस्टारका लागि दोस्रो गोल गरे । पेनाल्टी क्षेत्रको ठिक बाहिर प्राप्त फ्रिकिकमा सुनीलले सुन्दर गोल गरे ।
उत्कृष्ट प्रदर्शन गरेका थ्री स्टारका मिडफिल्डर सुनील बल खेलको आरके कन्स्ट्रक्सन म्यान अफ द म्याच भए । उनले १० हजार रुपैयाँ प्राप्त गरे । विजयी टोलीका प्रशिक्षक उज्ज्वल मानन्धरले लिगको पिडा बिर्साउन मोफसलमा सुखद सुरुवात गर्न तत्पर रहेको बताए ।
अब थ्रीस्टारले संकटा र नेपाल पुलिस क्लब बीचको विजेता सँग शनिवार उपाधिका लागि खेल्ने छ । संकटा र पुलिस बीचको खेल विहिवार हुने छ ।
प्रतियोगिताको विजेताले २१ लाख रुपैयाँ प्राप्त गर्नेछ । उपविजेताले १० लाख प्राप्त गर्दा विधागत उत्कृष्टतर्फ प्रत्यक खेलाडीले १५ हजार रुपैयाँ पाउनेछन् ।
प्रतिक्रिया लेख्नुहोस्:-