काठमाडौं । कांग्रेसले राष्ट्रपति र सभामुख निर्वाचन सम्बन्धमा सत्ता गठबन्धनसँग छलफल गर्न आफू तयार रहेको बताएको छ । मंगलबार प्रधानमन्त्रीको सरकारी निवास बालुवाटारमा बसेको बैठकमा यसले यस्तो बताएको हो ।
कांग्रेस संसदीय दलका प्रमुख सचेतक रमेश लेखकका अनुसार राष्ट्रपति, उपराष्ट्रपति सभामुख र उपसभामुखमा सहमति हुन्छ कि भनेर प्रधानमन्त्री पुष्पकमल दाहाल प्रचण्डले राखेको प्रस्तावमा कांग्रेसले छलफल गर्न तयार रहेको बताएको छ ।
यस्तै कांग्रेसले आफू प्रतिपक्ष नै रहेको बैठकमा बताएको छ । लेखकले भने, ‘कांग्रेस प्रमुख प्रतिपक्षीको रूपमा रहेको छ भने आफ्ना कुरा राख्यौँ । राष्ट्रपति, उपराष्ट्रपति सभामुख र उपसभामुखमा सहमति हुन सक्छ कि भनेर प्रमले कुरा राख्नुभयो । हामीले प्रमले चाहनुहुन्छ बने तयार छौँ भन्यौ । आज कुनै सहमति भएको छैन ।’
प्रतिक्रिया लेख्नुहोस्:-