काठमाडौं । स्वास्थ क्षेत्रको सुधारको माग गर्दै निकै लामो समय देखि सत्याग्रह गर्दै आएका डाक्टर गोविन्द केसीले नेताहरूले लुटेको कालो धन सेतो बनाउन जनतालाइ धोका दिएको गम्भिर आरेाप लगाएका छन् । अस्पतालको शैयाबाट सन्चारकर्मी सँग संक्षिप्त प्रतिक्रिया दिदै डाक्टर केसीले प्रधानमन्त्री केपी ओलीले बेइमानी गरेको पनि आरोप लगाएका छन् ।
१६ औ चरणको अनसन बस्न इलाम पुगेका डाक्टर केसीको स्वस्थ स्थिति खराव हुदै गएको भन्दै काठमाडौं ल्याइएको थियो । शुरूमा आइसियुमा भर्ना गरेर उपचार गरिए पनि डाक्टर केसीकै आग्रहमा उनलाइ अहिले जनरल वार्डमा स्तान्तरण गरिएको छ । केपी ओली नेतृत्वको सरकार सँग १५ औ चरणको अनसनका समयमा भएको संझौता विपरित विधेयक ल्याइएको भन्दै डाक्टर केसी फेरि अनसन बसेका हुन् ।
असपतालकै शैयाबाट डाक्टर केसीले प्रधानमन्रीलाई बेइमान भने, ‘ओलीजी बेइमान हो, उहाँसँगको सम्झौता पालना भएन ।’ डाक्टर केसीले सम्झौता अनुसार नै विधेयक आउनु पर्ने बताए । उनले नेताहरूले लुटेकाे धन र कालोधनलाइ सेतो बनाउन जनतालाई धोका दिएको आरोप लगाए । ‘ कथाकथित विधेयक पारित भयो भने गाँउमा बस्ने ८० प्रतिशत जनताका स्वास्थबाट बञ्चित हुन्छन, नेताले लुटेको धन, कालो धन सेतो बनाउनका लागि मलाइ होइन जनतालाई धोका दिएका हुन् ।’
डाक्टर केसीले नेकपाका नेताहरूले माग पुरा भयो भनेर झुट फैलाए जनतालाई भ्रममा पार्न खोजिएकोमा आपत्ति जनाउदै सम्झौता अक्षरस पालना गरे आफुले तुरुन्तै अनसन तोड्ने बताए । ‘जनतामारा, विद्यार्थीमारा, माफिया पोस्ने विधेशयक ल्याउन भएन ।’
प्रतिक्रिया लेख्नुहोस्:-