दूरबिन नेपाल, अमेरिका
अमेरिकको हवाइ टापुको दक्षिण पूर्वी छोरस्थित होनोलुलुको हिरा भन्ने स्थानमा दुई प्रहरी अधिकारीको गोली हानी हत्या भएको छ । स्थानीय समाचारमा जनाइए अनुसार हवाइ राज्यको होनोलुलु शहरको हिरा भन्ने स्थानका चार घरहरुमा आगलागि भएको थियो । सो आगालागि नियन्त्रण गर्न जादै गर्दा बन्दुकधारीसंग मुठभेड भएपछि प्रहरी अधिकारीहरु घाइते भएका थिए । उनीहरुको स्थानीय अस्पतालमा उपचारको क्रममा मृत्य भएको हो । प्रहरीका अनुसार गोली चलाउने संदिग्ध व्यक्तिको पहिचान भइसकेको छ । प्रहरी अधिकारीमाथी गोली हान्ने व्यक्ति जेरी हेनेल भएको र उनको पनि गोली हानाहानमा मृत्यु भएको प्रहरीको भनाइ छ । घटना आइतबार विहान ९ साढे नै बजेको आसपासमा भएको थियो । दमकलका कर्मचारी र बन्दुकधारीको जम्काभेट भएपछि दुवै पक्षविच गोली हानाहान भएको थियो । खासमा आगो नियन्त्रणको लागि दमकलका कर्मचारीसंगैै प्रहरीपनि गएको थियो । तर आगो सो बन्दुकधारीले नै लगाएको अनुमान गरिएको छ । घटनाको विस्तृत विवरण अझै आइसकेको छैन । किनकी प्रहरीले अनुसन्धान गरिरहेको जनाएको छ । घटनाबारे होनोलुलु शहरका मेयर क्रिक काल्डवेलले मृतक प्रहरी अधिकारीप्रति श्रद्धान्जली व्यक्त गर्दै परिवारप्रति सहानुभुति प्रकट गरेका छन । घटनास्थल पर्यटकीय दृष्टिलेपनि निकै महत्वपुर्ण मानिन्छ । सो स्थानमा विक्की विच र होनुलुलु विचपनि भएकोले पर्यटकहरुको बाक्लो चहलपहल हुने गर्दछ ।
प्रतिक्रिया लेख्नुहोस्:-