काठमाडौं । प्रधानमन्त्री भएको ६ महिनापछि आज देशवासीका नाममा सम्बोधन गर्दै प्रधानमन्त्री शेरबहादुर देउवाले सरकार सही दिशामा अगाडि बढिरहेको दाबी गरेका छन् ।
शुक्रबार टेलिभिजनमार्फत देशबासीलाई सम्बोधन गर्दै प्रधानमन्त्री देउवाले सरकारले गरेका कामहरुबारे जानकारी दिए । उनले अघि भने, ‘सरकार सही दिशामा अघि बढिरहेको स्पष्ट छ । छोटो अवधिमा गरिएको कार्य र हासिल भएको उपलब्धिले मुलुकमा राजनीतिक स्थायित्वसँगै विकास, स्थायित्व र समृद्धि हासिल गर्ने बलियो आधार खडा भएको छ । जनतामा आशा र भरोसा बढेको छ ।’ आफूले विकास र समृद्धिको यात्रालाई थप गति दिने बताएका छन् ।
उनले तीन वटै तहको निर्वाचनको पूर्वतयारीका कामहरु सम्पन्न गर्न सम्बन्धित निकायलाई आग्रह पनि गर्दै यसमा आफ्नो साथ र समर्थन रहेको बताए ।
प्रधानमन्त्री देउवाले बाढीका कारण अवरुद्ध बनेको मेलम्ची खानेपानी यसै वर्ष काठमाडौंमा ल्याउने दाबी गरे।
उनले देशमा सम्बोधनका क्रममा अत्यावश्यक वस्तुको कुनै अभाव नभएको बताए। सरकारको नेतृत्व गरेपछि आर्थिक समाजिक रुपान्तरणमा जोड दिएको उल्लेख गर्दै उत्पादनमुखी अर्थतन्त्रलाई जोड दिएको बताए। आपूर्ति व्यवस्था सुधार गरी महँगी नियन्त्रणमा गरेको उल्लेख गर्दै अत्यावश्यक वस्तुको कुनै अभाव नभएको दावी गरे ।
प्रतिक्रिया लेख्नुहोस्:-