काठमाडौं । उपसभामुखमा राष्ट्रिय स्वतन्त्र पार्टीकी सांसद इन्दिरा राना मगर निर्वाचित भएकी छन् । आज रास्वपाकै सांसद सोबिता गौतमले उनलाई उपसभामुखमा निर्वाचित गरियोस् भनी राखेको प्रस्ताव बहुमतले पारित भएको हो।
उपसभामुखको निर्वाचनमा २६४ जना सहभागी सांसदहरुमध्ये उनलाई १६६ मत प्राप्त भयो भने विपक्षमा ९७ मत पर्यो । नेपाल मजदुर किसान पार्टीका सांसद प्रेम सुवाल भने तटस्थ रहे ।
इन्दिरालाई नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राप्रपालगायत सत्तारुढ गठबन्धनका दलहरुले मतदान गरे ।
नेपाली कांग्रेसले भने उपसभामुखमा मुक्ताकुमारी यादवलाई उम्मेदवार बनाएको थियो ।
प्रतिक्रिया लेख्नुहोस्:-