अमेरिकामा आप्रवासीप्रति झन कठोर बन्दै ट्रम्प

दूरबिन नेपाल, अमेरिका
अमेरिकी सर्वोच्च अदालतले राष्ट्रपति डोनल्ड ट्रम्पलाई कतिपय
आप्रवासीलाई अमेरिकामा बसोबासको स्थायी अधिकार नदिने राष्ट्रपति ट्रम्पको विवादास्पद नीति लागु गर्न सर्वोच्च अदालतले बाटो खोलिदिएको छ । सर्वोच्च अदालतको बहुमतले तल्लो अदालतको आदेश उल्ट्याइदिएको हो । सर्वोच्च अदालतमा भएको मतदानमा तल्लो अदालतको आदेशको पक्षमा चार न्यायाधीश र विपक्षमा पाँच न्यायाधीशले मत दिएका थिए । सो नीतिबमोजिम यदि भविष्यमा सरकारी सहायता आवश्यक पर्ने सम्भावना देखिए प्रशासनले स्थायी बसोबासका निवेदकलाई अयोग्य ठहर्याउन सक्छ । गत अक्टोबरमा तल्लो अदालतले ट्रम्पको सो नीति ’अमेरिकी सपनाको आदेश विपरीत’ भएको ठहर गरेको थियो । आलोचकहरूले सो नीतिबाट अश्वेत आप्रवासीहरू पीडित हुने दावी गरेका छन । विदेशी आप्रवासीप्रति कडा नीति अवलम्बन गर्दै आएका ट्रम्प प्रशासनले गत साता मात्रै अमेरिकाको विदेश मन्त्रालयले ’जन्म पर्यटन’लाई रोक्ने नीति अवलम्बन गरेको थियो । जस अनुसार विदेशी गर्भवती महिलाहरू बच्चा जन्माउनैका लागि अमेरिका जान खोजेको पाइए उनीहरूलाई प्रवेशाज्ञा (भिसा) नदिन निर्देशन दिएको थियो । त्यसैगरी शरणार्थीको सवालमापनि अमेरिकाले आफ्नो दक्षिणी सीमामा आइपुग्ने मानिसले आफूले यात्रा गरेका देशमा शरण नपाएको अवस्थामा अमेरिकामा शरण खोज्न नपाउने नीति अघि सारेको थियो । त्यो नीतिविरुद्ध मुद्दाहरू पर्ने गरेको भए पनि अमेरिकी सर्वोच्च अदालतको पछिल्लो आदेशले ट्रम्प प्रशासनलाई बल दिइरहेको छ ।