बिष्णु हरि घिमिरे
अमेरिका । नेपाली जनसम्पर्क समिति अमेरिकाले नेपाल र अमेरिका बीचको सम्वन्धमा चिसो पन ल्याउने कुनैपनि गतिविधि नगर्न नेपाल सरकार र सत्तारुढ दल सँग आग्रह गरेको छ । समितिको आईतवार साँझ बसेको कार्यसमितिको बैठकले सत्तारुढदल नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डको बक्तब्य प्रति भत्सना समेत गरेको छ । बैठक पछि दूरवीन नेपाल सँग कुरा गर्दै समितिका महासचिव मुनिन्द्र नेमाङ्गले प्रचण्डको विज्ञप्तीले दुई देशको सम्वन्धमा नै चिसो आएको भन्दै त्यसको भत्सना गर्ने निर्णय गरिएको बताए ।
“नेपाल र नेपाली सँग सरोकार नै नभएको मुलुक भेनेजुयलाका लागि बर्षौ पुरानो सम्वन्ध रहेको र नेपालको सहयोगि मुलुक अमेरिका सँग सम्वन्ध नै विगार्ने गरि आएको सत्तरुढ नेपालल कम्युनिष्ट पार्टीका अध्यक्षकाे विज्ञप्ती र त्यसलाई बैधानिकता दिने गरि आएको सरकारको प्रष्ट्रीकरणमा समितिले भत्सना गरेको छ ।”
बैठकले नेपालको विकासका लागि मुख्य सहयोगि र लाखौ नेपाली रहेको अमेरिका सँगको सम्वन्धलाई हल्का रुपम नलिन पनि नेपाल सरकार सँग आग्रह गरेको छ । समितिका सभापति आनन्द विष्टको सभापतित्वमा सम्पन्न बैठकले गैरआवासीय नेपाली संघ अमेरिकाको सदस्यता लिन सबैलाई आग्रह समेत गरेको छ । ३४ मध्ये १९ सदस्यको उपस्थिती रहेको कन्फेरेन्सक कल बैठकले नेपालीले पाउदै आएको टीपीएस सुविधाका लागि सम्वन्धित निकायमा थप पहल गर्ने निर्णय समेत गरेको छ ।
यस्तै बैठकले नेपाली काँग्रेसको हालै सम्पन्न महासमिति बैठकबाट पारित विधानमा खुकुलु हुन केन्द्रीय कार्यसमिति समक्ष अनुरोध गर्ने निर्णय पनि गरेको छ । महासचिव नेमाङ्गका अनुसार महासमितिले पारित गरेको विधान हुबहु लागु भएमा संगठन विस्तारमा नै अप्ठेरो पर्ने भएकाले यस्तो निर्णय गरिएको हो । महासमिति बैठकले पारित नेपाली काँग्रेसको विधानमा जनसम्पर्क समितिको सदस्यताका लागि नेपाली नागरिकता, राहदानी र मतदाता परिचय पत्र अनिवार्य गरिको छ । यी सबै विषय लागु भए जनसम्पर्क समितिमा सदस्यता लिनेहरुको सख्या घटने भन्दै समितिले त्यसमा खुकुलो हुन अनुरोध गरेको महासचिव नेमाङ्गको भनाई छ ।
“महाधिवेशन प्रतिनिधि र महासमिति सदस्य बाहेक अन्यको हकमा नागरिकता र राहदानी अनिवार्य नर्गन हामीले आग्रह गर्ने निर्णय गरेका छौ, अहिलेको विधान हुबहु कार्यन्वयन भयो भने जनसम्पर्क समितिको सदस्य बन्ने मान्छे खोज्नु पर्दछ, संगठन बनाउनै समस्या छ ।”
प्रतिक्रिया लेख्नुहोस्:-