सञ्चार र न्यायालयमाथि धम्की दिने कार्य कांग्रेसलाई मान्य छैन : नेता कोइराला

काठमाडौं । नेपाली कांग्रेसका नेता शेखर कोइरालाले सञ्चार जगत र न्यायपालिकामाथि धम्की दिने काम आफ्नो दललाई स्वीकार्य नहुने बताएका छन् । उनले सोमबार कांग्रेस जिल्ला कार्यसमिति चितवनले आयोजना गरेको अन्तरक्रिया कार्यक्रममा यस्तो प्रतिक्रिया दिएका हुन्

। ओली र लामिछानेले दिएका अभिव्यक्तिप्रति लक्षित गर्दै डा। कोइरालाले भने, ‘स्वतन्त्र न्यायपालिका र सञ्चार क्षेत्र लोकतन्त्रका आधार स्तम्भ हुन् । यी संस्थामाथि कसैले दिएको धम्की र अनावश्यक टिप्पणी कांग्रेसलाई स्वीकार्य हुँदैन ।’

नेता कोइरालाले रवि लामिछानेको सांसद पद खारेज भएर रिक्त रहेको चितवन क्षेत्र नम्बर २ को उपनिर्वाचनमा कांग्रेसले जित्नुपर्ने बताए ।