भ्यालेन्टाइन डे मा ‘लाइभ लोक दोहोरी साँझ’ हुने

स्यानफ्रान्सिस्को, फेब्रुअरी १० । नेपलिज एसोसिय्एसन अफ नर्दन क्यालिफोनिया (न्यान्स) को आयोजनामा आगामी शनिवार फ्रेबुअरी १४ मा प्रत्यक्ष लाइभ दोहोरी साँझको आयोजना हुने भएको छ ।
नेपाली लोकगीतका चर्चित एवं ख्यातीप्राप्त कलाकारहरु राजु परियार, कल्पना दाहाल, मुना थापामगर, मिलन लामा लगायतका कलाकारहरुले लोक दोहोरी गाउने आयोजक न्यान्सले जनाएको छ ।
न्यान्सका अध्यक्ष प्रितेश कार्की एवं महासचिव दीपक दाहालले भ्यालेन्टाइन अर्थात् फ्रेबुअरी १४ मा कम्यूनिटी सेण्टरमा आयोजना हुने लाइभ दोहोरी साँझमा उपास्थित भई भरपूर मनोरन्जन लिन बे एरिया वासिलाई सामाजिक संन्जालमार्फत आग्रह गरेका छन् ।
राजु परियार नेपाली लोकगीतका निकै चर्चित गायक हुन् । २०५५ सालतिर लोक गायक एवं प्रस्तोता रामप्रसाद खनालले पहिलो पटक नेपाल टेलिभिजनवाट प्रशारित हुने लोक दोहोरी कार्यक्रमवाट दर्शकसामु परिचित भएका गायक परियारले सयौं चर्चित लोकगीतहरु गाएका छन् ।
‘मैले लोकदोहोरी कार्यक्रममा धेरैलाई फस्ट टेक दिएँ, आज राजुजीको बहुप्रतिभाले लोक दोहोरी क्षेत्रमा पुऱ्याएको योगदान हेर्दा गर्व लाग्छ, उनी निकै राम्रा र खारिएका लोकगायक हुन,’ खनालले दूरविनसंग भने ।
यसैवीच, गायक परियार लगायतका कलाकारसंग हुने प्रत्यक्ष दोहोरी साँझ कार्यक्रमले सवै नेपालीलाई भरपुर मनोरन्जन दिने मात्र नभई नेपाली लोकभाका र सस्कृतिको समेत संरक्षण हुने कार्यक्रमका स्पोन्सर संयोजक थल्वीर ओलीले जानकारी दिएका छन् ।
कार्यक्रमको संयोजन मोहन कार्की संयोजक रहेको कला एवं सस्कृति उपसमितिले गरेको छ । वे एरियाका सकृय युवा व्यावसायी थल्वीर वलीले कार्यक्रम स्पोन्सरको संयोजन गरेका छन् ।