प्रधानमन्त्री  ओली निकट अन्सारी नागरिकता सम्वन्धी विवादमा

काठमाडौँ  । प्रधानमन्त्री केपी शर्मा ओली निकट व्यक्ति नै नागरिकता सम्वन्धी विवादमा फसेका छन् । मुस्लिम आयाेगकाे अध्यक्षमा प्रस्तावित समिम मियाँ अन्सारीकाे जन्ममिति फरक भेटिएकाे छ । आयाेग अध्यक्षमा सिफारिस भए पछि उनीमाथि विभन्न आराेप सहित उजुरी परेकाे थियाे ।

उजुरी मध्ये नक्कली शैक्षिक प्रमाण पत्र र नागरिकता समेत रहेका थिए । संसदकाे सुनुवाइ समितिले उनीमाथिकाे आराेप बारे छानविन शुरु गरे पछि नागरिकतामा दुई फरक जन्ममिति देखिएकाे हाे । यस बारेमा  कान्तिपुर दैनीकले आफ्नाे अनलाईन  सस्करणकाे समाचारमा लेखेकाे छ, ‘ जिल्ला प्रशासन कार्यालय काठमाडौँबाट २०५५ साल पुस २२ मा लिएको नागरिकताको ढड्डामा २०३७ साल असोज २४ गते र २०६६ साल भदौ ९ मा प्रतिलिपि लिँदा उनको जन्ममिति २०३० साल असोज २४ गते उल्लेख छ ।’

०७३८४/८७१ नागरिकता नम्बर रहेको अन्सारीको प्रतिलिपि जारी गर्दा प्रशासनको ढड्डामा सिडिओको नामसमेत उल्लेख छैन। प्रशासन स्रोतका अनुसार नागरिकता नम्बर ८७० मा नागरिकता वाहकको जारी गर्ने प्रमुख जिल्ला अधिकारीको नाम योगेन्द्रनाथ ओझा उल्लेख छ। अन्सारीको ८७१ नम्बर रहेको नागरिकतामा सिडिओको नाम रहने ठाउँमा ‘द’ मात्रै लेखिएको छ।