सुरेश चाम्लिङ्ग, दूरबिन नेपाल, न्युयोर्क
अमेरिकामा विभिन्न सामाजिक कार्यमा संलग्न रहंदै आएको नेपाली समाज अमेरीकाले न्युयोर्कमा चियापान कार्यक्रम सम्पन्न गरेको छ । चियापान कार्यक्रममा न्युयोर्कमा रहेका नेपाली संघसंस्थाहरुको उल्लेख्य उपश्थिती रहेको थियो । सो चियापान कार्यक्रमलाई सम्बोधन गर्दै समाजका अध्यक्ष समीर महर्जनले नेपालमा संघीयता लागु गर्ने क्रममा प्रदेशको नामकरण पहिचानको अधारमा नराखी भूगोलको आधारमा राखिएकोमा आपत्ती जनाए ।
अध्यक्ष महर्जनले कोशी, गण्डकी, बागमती, सगरमाथा जस्ता पहिले देखीनै भएका नामहरुबाटै प्रदेशको नामकाकरण गरिंदा परिवर्तनको आभास नगराएको बरु मुलुक अग्रगमन भन्दा पश्चगमन तर्फ गएको आरोप लगाए । उनले अन्य देशहरुमा पहिचानका आधारमा प्रदेशका नामाकरण गरिएका थुप्रै उदाहरणहरु भएकोले नेपालमापनि सोही अनुसार राखेमात्र परिवर्तनको आभाष हुने दावी गरे । कार्यक्रममा नेपाली महाबाणिज्य दुतावासका प्रतिनिधी गणेश अधिकारीले सबै नेपाली मिलेर भिजिट नेपाल २०२० लाइ सफल पार्नुपर्नेमा जोड दिए । नेपाली समाज डी एम भी पी अध्यक्ष मिलन राईले अमेरिका स्थित नेपाली राजदुत अर्जुन कार्कीले नेपाली समुदायको समस्याको बारेमा छलफल गर्न चांहदा भेटगर्नै नमानेको गुनासो गरे ।
नेपाल आदिवासी जनाजाती महासंघ अमेरिका, फिप्नाका अध्यक्ष लोक चेम्जोङ्गले नेपाली जनताले पहिचान खोजिरहेको तर सरकारले उल्टो काम गर्दै हिंडेकोले राजनीतिक दलहरुले गम्भीर भएर सोच्नुपर्ने बेला आएको बताए । सो भेलामा एन आर एन अमेरिकाका उपाध्यक्ष बि आर लामा, एनआरएन अभियन्ता सुर्य लम्साल, शेर्पा किदुकका अध्यक्ष उर्गेन शेर्पा, जन सम्पर्क समिती अमेरिकाका अमर तामांङ, घ्यालसुँदो सेवा समाजका निमा लामा, प्रवाशी नेपाली मंचका राधाकृष्ण देउजा लगायतले आफ्नो भनाइ राखेका थिए ।
नेपाली समाज अमेरिकाका कोषाध्यक्ष निला जवेगुले स्वागत भाषण तथा कार्यक्रम संचालन महासचिव मनु लोहोरुंग राइले गरेका थिए । नेपालीहरुका २०२० साल भरीका महान चाडहरु माघे संक्रान्ती, इद, छठ, जितिया पर्व, लोसार, येले तंग्बे, साकेलाको सुखद उपलक्ष्यमा सम्पूर्ण नेपाली लाई भेटघाट गर्ने र शुभ कामना आदान प्रदान गर्ने हेतुले वर्षेनी यो कार्यक्रम गरिदैं आएको समाजका सदस्य केशब राम राईले बताए ।
प्रतिक्रिया लेख्नुहोस्:-