क्यालिफोर्निया । अमेरिकामा ठूलो संख्यामा नेपालीको बसोबास रहेको क्यालिफोर्निया नर्दन क्षेत्र (बे एरिया)मा नेपाली सामुदायिक केन्द्र भवन खरिद गरिएको छ।
अमेरिकामा बसोबास गर्ने नेपालीहरुको सबैभन्दा पुरानो मध्येको एक संस्था नेपाली एसोसियसन अफ नर्दन क्यालिफोर्निया (न्यान्स)को अगुवाईमा समुदायले चन्दा संकलनमार्फत् भवन खरिद गरेको हो।
सन् १९९४ मा स्थापनाको न्यान्सले स्थापना कालदेखि नै सो क्षेत्रमा सामुदायिक भवन स्थापना गर्ने उद्देश्य राखेको थियो ।
बेएरियाको रिचमण्ड सिटी ३६९ चेल्सी एभिन्युमा रहेको रिलिजिएस प्रोपर्टी १८ लाख ६० हजार अमेरिकी डलर खरिद गरिएको न्यान्सका अध्यक्ष प्रितेश कार्कीले जानकारी दिए। गत अक्टोबरमा अफर परेपछि न्यान्स नोभेम्बरदेखि समुदायमा विभिन्न सामाजिक, सांस्कृतिक अभियानमार्फत् सहयोग संकलनमा जुटेको थियो ।भवन खरिदका लागि पछिल्लो अभियानका क्रममा मात्रै झण्डै ५ सय व्यक्ति एवं संस्थाबाट संकलित करिव ७ लाख डलर सहयोग गरेका थिए।
न्यान्यले अघिल्ला अभियानमा संकलन गरेर खातामा रहेको ९५ हजार डलर, समुदायकै सदस्यबाट सापटी लिएको १ लाख ८० हजार डलरसमेत गरेर ४५ प्रतिशत डाउनपेमेन्ट र वाँकी रकम बैंक ऋणबाट भवन खरिद गरिएको कार्कीले जानकारी दिए।
हामीले खरिद गरेको भवन करिव १० हजार ८ सय स्क्वायरफिटको भवनमा ५सय २८ सिट क्षमताको सभाकक्ष, २ सय सिटको क्याफ्टेरिया, ६ वटा अफिस कोठा, ११० भन्दा बढी गाडी पार्किङ र थुपै शौचालय छन्।
करिव ७० हजार नेपाली बसोबास रहेको नर्दन क्षेत्रमा आफ्नै सामुदायिक भवन भएपछि विभिन्न चाडपर्व एवं धर्म, संस्कृतिअनुसारका सामाजिक सांस्कृतिक कार्यक्रम गर्न सहज हुने विश्वास लिएका न्यान्सले लिएको छ।
अभियानमा पहिला र पछिल्लो समयमा गरेर करिव ७ सय व्यक्ति, परिवार र ३० वटा संघसंस्था मात्रै जोडिएका छन्।
वाँकी समुदायको साथ लिएर सापटी फिर्ता र बैंक ऋणसमेत तिरेर छिट्टै भवन पेडअफ गर्ने योजना रहेको र त्यसका लागि छिट्टै महायज्ञसमेत गर्ने कार्यक्रम रहेको न्यान्सले जनाएको छ।
प्रतिक्रिया लेख्नुहोस्:-