काठमाडौं । जनता समाजवादी पार्टीबाट निर्वाचित वीरगञ्ज महानगरपालिकाका मेयर विजयकुमार सरावगी अधिकांश वडा अध्यक्षसहित नेकपा एमालेमा प्रवेश गरेका छन्। उनी जनता समाजवादी पार्टी (जसपा का केन्द्रीय सदस्यसमेत थिए ।
उनलाई अध्यक्ष केपी शर्मा ओलीले वीरगञ्जमा आयोजित कार्यक्रममा एमाले प्रवेश गराएका हुन् । मेयर सरावगीले ११ जना वडाध्यक्ष र दुई जना महानगरपालिकाका बोर्ड सदस्यलाई पनि एमाले प्रवेश गराएका थिए ।
एमाले पर्सा जिल्ला अध्यक्ष प्रभु हजाराका अनुसार ओलीले नेकपा माओवादी केन्द्रका पूर्व केन्द्रीय सदस्य बाबुराम कौशिक र युवा संगठन वाईसीएलका पर्सा इन्चार्ज ओमप्रकाश गुप्तालाई पनि पार्टीमा भित्र्याएका छन्। पछिल्लो समय एमालेमा तराईका प्रतिनिधिहरुलाई आफ्नो पार्टीमा प्रवेश गराउने कामलाई आक्रामक रुपमा अगाडि सारेको छ । यसअघि पनि अन्य दलबाट निर्वाचित भएकाहरु धमाधम एमाले प्रवेश गरिसकेका छन् ।
ल्
प्रतिक्रिया लेख्नुहोस्:-