काठमाडौं । उपराष्ट्रपतिको निर्वाचनमा साझा धारणा बनाउन १० दलीय गठबन्धनको बैठक निष्कर्षविहीन भएको छ । बुधवार प्रधानमन्त्रीको सरकारी निवास बालुवाटारमा बसेको १० दलीय गठबन्धनको बैठकमा सहमति हुन नसकेको हो ।
नेकपा (माओवादी केन्द्र) का नेता शक्ति बस्नेतले बैठकमा उपराष्ट्रपति निर्वाचनको बारेमा छलफल बताए । उनले १० दलका बीचमा सकारात्मक रुपमा बैठक सकिएको र बिहीवार बसेर थप निर्णय गर्ने बताए।
उनले भने, ‘उपराष्ट्रपति निर्वाचनको लागि १० दलको बीचमा समझदारी कायम गर्ने बारेमा छलफल भएको थियो। छलफल सकारात्मक भएको छ। भोलि यो विषयमा बसेर एउटा निर्णय हुनेछ। आवश्यक्ताअनुसार बैठक बस्नेछ। बाँकी विषयमा पनि सामान्य छलफल शुरु भएको छ।’
प्रतिक्रिया लेख्नुहोस्:-