काठमाडौं । निर्वाचन आयोगले वैशाख १० गते बारा–२, चितवन–२ र तनहुँ–१ मा प्रतिनिधिसभा सदस्यका लागि हुने उपनिर्वाचनका लागि शुक्रबारदेखि निर्वाचन आचारसंहिता लागू भए पनि यसले मन्त्रिपरिषद् विस्तार गर्नलाई कुनै बाधा नपर्ने बताएको छ ।
आयोगका प्रवक्ता शालिग्राम शर्मा पौडेलले निर्वाचन हुने तीन जिल्लाभर मात्रै आचारसंहिता विपरीतका गतिविधि गर्न नपाइने बताए । ‘आयोगले शुक्रबारदेखि आचारसंहिता लागू गरेको छ । यो देशभरि होइन, निर्वाचन हुने बारा, चितवन र तनहुँमा मात्रै लागू हुन्छ । यी जिल्ला प्रत्यक्ष प्रभावित नहुने गरी जुन पनि गतिविधिहरू गर्न मिल्छ ।’
आचारसंहिता अवधि सकिएलगत्तै ६ चैतमा प्रधानमन्त्री पुष्पकमल दाहालले विश्वासको मत लिए पनि बिहीबार अपराह्नसम्म मन्त्रिपरिषद्ले पूर्णता पाएको छैन । दलहरू आचारसंहिता लागू भएपछि मन्त्रिपरिषद् विस्तार गर्न मिल्ने वा नमिल्ने भन्ने अन्योलमा परिरहेका बेला आयोगले सम्बन्धित जिल्लामा मात्रै लागू हुने गरी आचारसंहिता लागू गरेको हो ।
प्रतिक्रिया लेख्नुहोस्:-