काठमाडौं । नेपाल वायुसेवा निगमको संरचनागत तथा व्यवस्थापकीय पक्षको अध्ययन गरी सुझाव पेस गर्न पूर्वगभर्नर दीपेन्द्रबहादुर क्षेत्रीको नेतृत्वमा पाँच सदस्यीय अध्ययन समिति गठन भएको छ ।
समितिमा क्याप्टेन ओम गुरुङ, सञ्चारकर्मी टिकाराम राई, वरिष्ठ चार्टर्ड एकाउन्टेन्ट पियुस आनन्द र सहारा न्यौपाने सदस्य रहेका छन् ।
यस समितिले निगम भित्रको समस्या, व्यथित र अवस्था सुधारको सम्भावनाको खोजी गरी सोको प्रतिवेदन संस्कृति पर्यटन तथा नागरिक उड्डयन मन्त्रालयलाई बुझाउने छ ।
यस्तै निगमको व्यवस्थापकीय पक्ष सुधार गर्न कस्तो व्यवस्थापन आवश्यक पर्ने हो ? पुनर्संरचना कसरी गर्नुपर्ने हो ? लगायतका ८ वटा विषयमा समितिले अध्ययन गर्ने मन्त्री सुदन किरातीले जानकारी दिए ।
प्रतिक्रिया लेख्नुहोस्:-