प्राविधिक जनशक्ति तयार गर्नसक्ने शिक्षाको आवश्यकता छ : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहालले प्राविधिक जनशक्ति तयार गर्नसक्ने शिक्षाको आवश्यकता भएको बताएका छन् ।सुदूरपश्चिम विश्वविद्यालयका कुलपतिसमेत रहेका उनले आइतबार सुदूरपश्चिम विश्वविद्यालयको तेस्रो दीक्षान्त समारोहलाई सम्बोधन गर्दै प्रधानमन्त्री दाहालले यस्तो बताएका हुन् ।

‘आजको प्रतिस्पर्धी विश्वको शैक्षिक बजारमा प्रतिस्पर्धा गर्नसक्ने जनशक्ति उत्पादनका लागि विश्वविद्यालयले समयानुकुल शैक्षिक तथा व्यवस्थापकीय क्षेत्रमा सुधार गर्दै अघि बढ्नु जरुरी छ,’ दाहालले भने, ‘विश्वविद्यालयले प्राज्ञिक गुणस्तर उच्च राख्न सबैका लागि अध्ययन अनुसन्धानको आकर्षणको केन्द्र बन्न सक्नुपर्छ ।’

विश्वविद्यालयले कृषि र हर्वल साइन्स जस्ता विषयहरु पठनपाठन सुरु गरेर यस क्षेत्रको विकासमा टेवा पुर्‍याउनसक्ने पनि उनको भनाइ थियो ।