दूरबिन संवाददाता । अमेरिका अप्रिल १३ ।
सरुवा तथा महामारीजन्य रोगका विज्ञको रुपमा ह्वाइटहाउसमा बसेर काम गरिरहेका डा एन्थोनी फौसीले कोरोनाभाइरस प्रकोप र महामारीले उत्पन्न गरेको परिस्थितिका विषयमा दिएका अभिव्यक्तिमा असन्तुष्टि जनाउदै राष्ट्रपति डोनाल्ड ट्रम्पले ट्वीट गरेपछि उनलाई पदमुक्त गर्छन की भन्ने आशङ्का गरिएको थियो । यस अघि यस्तै ट्वीट पछि धेरै जना अधिकारीहरू ह्वाइटहाउसबाट बर्खास्त भएका थिए । महामारीले आक्रान्त अमेरिकामा त्यसै विषयका विज्ञलाई हटाउने राष्ट्रपति ट्रम्पको सनकको आइतबार दिनभर सञ्चारमाध्यममा टिकाटिप्पणी भयो ।
सोमबार बिहान भने ह्वाइट हाउसका प्रवक्ता होगन गिडलीले एक विज्ञप्ति मार्फत त्यो कुराको खण्डन गरेका छन् । गिडलीले विज्ञप्तिमा भनेका छन् “मिडियाको यो बकवास हास्यास्पद छ । राष्ट्रपति ट्रम्पले डा. फौसीलाई हटाएका छैनन् । ”
ट्रम्प प्रशासनका अधिकारीहरू मध्ये कोरोना भाइरसको महामारीको विषयमा उठेका जिज्ञासाको सार्वजनिक रुपमा जवाफ दिने फौसी जिम्मेवार अधिकारी हुन् । ह्वाइट हाउसको नियमित ब्रीफिंगमा ट्रम्पको साथ उपस्थिति हुने गर्छन् । सालिन र सिस्ट भाषमा सटीक जवाफ दिन्छन् । महामारीको विषयमा उनले दिने जानकारीलाई भरपर्दो पनि मानिन्छ । राष्ट्रपति ट्रम्पका कतिपय उल्टो पुल्टो बोल्ने र गैह्र जिम्मेवार जवाफलाई बचाउ गर्दै सच्याउनु पर्ने, चित्त नबुझ्दा पनि मौन बस्तै वास्तविकता बताउनु पर्ने उनको वाध्यता छ ।
महामारीबाट अमेरिकालाई जोगाउन अपनाउनु पर्ने पूर्व तयारीका विषयमा दिइएका सुझाव ट्रम्प प्रशासनले कार्यान्वयन नगरिदिएका कारण नागरिकले बाच्न पाउने नैसर्गिक अधिकार गुमाएको केही सञ्चारमाध्यमहरूले सार्वजनिक टिप्पणी गरेपछि ट्रम्पको आक्रोश सन्चार माध्यम र फौसी तिर सोझिएको हो ।
अमेरिकाले महामारी विरुद्ध एक महिना ढिलो कदम चाल्दा यस्तो दुर्भाग्य निम्तिएको हो । एशियाका विकासोन्मुख देशहरू भन्दा अमेरिका यो महामारी नियन्त्रणमा निक्कै कमजोर देखिएको छ । एसियन देशहरूमा कोरोना सङ्क्रमणका कारण प्रत्येक दश लाखमा २ जना भन्दा कमले ज्यान गुमाएका छन् । अमेरिकामा भने कोरोना संक्रमणका कारण प्रत्येक १० लाखमा १० जनाले ज्यान गुमाउन थालेका छन् ।
स्रोत :द गार्जियन, न्युयोर्क टाइम्स, सानफ्रानसिस्को क्रोनिकल
तस्विर: न्युयोर्क टाइम्स
प्रतिक्रिया लेख्नुहोस्:-