स्यानफ्रान्सिस्को, क्यालिफोर्निया
स्यानफ्रान्सिस्को नजिकै रहेको सुन्दर सिटी हक्यूलेर्सले हरेक बर्षको अप्रिल १४ लाई नेपाल डेको रुपमा मनाउने प्रस्ताब पारित गरेको छ । गत मंगलबार बसेको सिटी काउन्सीलको बैठकले सो प्रस्ताव पारित गरेपछि अब नेपाली नयाँ बर्ष (अप्रिल १४) ले समेत अमेरिकामा औपचारीक मान्यता पाएको छ । मंगलबार भएको सिटी काउन्सीलको बैठक जूमबाट प्रत्य
क्ष प्रशारण गरिएको थियो । जसमा नेपालका तर्फबाट नेपाली राजदुत प्रा.डा. श्रीधर खत्री, प्रतावका मुख्य संयोजनकर्ता डिल्ली भट्टराई लगायत बे एरियाका मुख्य अभियान्ताहरु सहभागी थिए भने सिटीका तर्फबाट मेयर डिओन बेली, उपमेयर तथा सिटी काउन्सीलका पदाधिकारी उपस्थित थिए । जूम मार्फत बैठकलाई सम्बोधन गर्दै राजदुत खत्रीले अमेरिकी सहरमा नेपालीहरुको उपस्थिती बढ्दै जानु र यहाँका शिक्षा रोगजार लगायत प्रशासनिकहरुमा प्रभाव बढ्नुले नेपालीहरु उपस्थिती सह्रानीय भएको बताए । सन १९६४ मा आफू अमेरिका आउँदाकोे स्मरण गर्दै राजदुत खत्रीले भने‘ त्यो बेलामा औलामा गन्न मिल्ने नेपालीहरु आज अमेरिका भर रहेको देख्दा खुसी लागेको छ । उनले हक्र्यूलिस सिटीले औपचारी रुपमा ‘नेपाल डे’ मनाउने निर्णय गर्नु नेपाल र अमेरिका बीचको सम्बन्धको ‘सेतु’ भएको बताए ।
त्यसैगरी नेपाल डे प्रस्तावका मुख्य संयोजनकर्ता डिल्ली भट्टराईले हक्र्यूलिस सिटीले आपचारीक रुपमा नेपाल डे मनाउने निर्णय गरेकोमा आम नेपालीको तर्फबाट आभार व्यक्त गर्दै भने–‘ निर्णयले हामीलाई अघि बढ्न हौसला र अवसर प्रदान गरेको छ । केही महिना अघिमात्र हक्र्यूलिस सिटीमा बसाई सरेका भट्टराई हक्र्यूलिस हाईस्कुल प्यारेन्टस् टिचर्स अर्गनाईजेशन (पिटीओ) का उपाध्यक्ष छन् । भट्टराईका अनुसार केही महिना अघि नेपालीहरुको उल्लेख्य बसोबास रहेको यस सिटीमा नेपाल डे मनाउन अपौचारीक प्रस्ताव सिटीलाई पठाएका थिए । सिटीको सो निर्णय पछि नेपालीहरुको उपस्थितीहरुलाई सिटीले औपचारीक मान्यता दिएको र नेपालीहरुले आफ्नो कला संस्कृती, चाडबाड एवम् रितीरिवाजलाई परिस्कृत गर्न सिटीको सहयोग समेत प्राप्त गर्न सक्नेछन् ।
यस निर्णयबाट बे एरियामा बसोबास गर्ने धेरै नेपालीहरुले यस कार्यलाई निकै प्रशंसनीय मानेका छन् । बे एरियाका सक्रिय अभियान्ता एवम् युवा व्यवसायी प्रितेश कार्की यस निर्णयबाट अमेरिकी राजनीतिको मुलधारमा समेत अगाडी बढ्न नेपाली मुलका अमेरीकीहरुलाई औपचारीक रुपमा ढोका खुलेको बिश्लेषण गर्दै भन्छन् ‘हामीले यसैलाई आधार बनाएर अघि बढ्नु पर्छ । हक्र्यूलिस सिटीले अप्रिल १४ लाई नेपाल डे को रुपमा मान्यता दिएसंगै बे एरियाका अन्य सिटीमा बस्ने नेपालीहरु समेत उत्साहित बनेका छन् ।
प्रतिक्रिया लेख्नुहोस्:-