अमेरिका ।
केही मानिसका सपना साकार भएका होलान् । कतिपय मानिसहरू सपनाको संसारबाट विउझदा विनाश र बित्यासको भुमरीमा परिसकेका हुन्छन् । त्यसैले मुरलीधरले गाएको गीत उडायो सपना सबै हुरीले कतिपयको जीवनमा दुखद यथार्थ बनेर आउँछ । त्यस्तै भएको थियो दुई महिना अगाडि तराइका बारा र पर्सामा । अचानक आएको हुरीले धेरैका घर उडायो । कतिको इहलिला समाप्त गरी दियो । उडायो सपना सबै हुरीले…
मुरलीधरको साङ्गीतिक यात्राको एउटा सफल गीत कतिका जीवनमा दुखद संयोगसँग मिल्न पुग्छ । तर हुरीले उडाएका सपनाले निम्तिएको रोदन र पीडामा मलम लगाउन यही गीत बोकेर मुरलीधर अमेरिका आएका छन् । मे ९ मा लसएन्जलस र मे १२ तारिख सानफ्रानसिस्कोमा उनको साङ्गीतिक कार्यक्रम हुँदैछ । कार्यक्रमबाट उठेको रकम वारा-पर्सामा सपना उडाएकाहरूको सहयोगार्थ पठाइने आयोजकहरूले जनाएका छन् । कार्यक्रम आयोजक नवीन पोखरेल र कुमार दोंगका अनुसार विपतमा परेकालाई सहयोग गर्ने योजना वन्दा त्यही क्षेत्रका गायक मुरलीधरसँग मिलेर अमेरिकामा साङ्गीतिक कार्यक्रम गर्न लागिएको हो ।
प्रतिक्रिया लेख्नुहोस्:-