न्युयोर्कको सन्नी साईडमा कार्यरत आप्रावासी अधिवक्ता ४३ बर्षीया आन्द्रेया डुमिट्रु पार्कालाबुयुलाई डिपार्टमेन्ट अफ जष्टिसले पाँच बर्षको जेल सजायँ सुनाएको छ । डुमिट्रु विरुद्ध गत सालको नोभेम्बरमा मुद्धा दायर भएको थियो । उनीमाथी सय भन्दा धेरै नक्कली असाइलमका निवेदन दिएको तथा त्यससंग सम्बन्धित कागजपत्रहरुपनि नक्कली बनाएको आरोप लागेको थियो । साथै डुमिट्रुले नक्कली कागजपत्रहरुपनि प्रमाणित गरेकी थिइन । रद्ध हुनुभन्दा एक बर्ष अघिसम्म उनको ल फर्म ४८–२३ स्किलमन एभिन्युमा थियो ।
डुमिट्रुलाई सजायँ सुनाउँदै म्यानहाटनका युएस एटोर्नी ज्योफ्री एस बरमनले भनेका छन “ आप्रवासी वकिल आन्द्रेया डुमिट्रुले गलत र नक्कली प्रयोगगरी राष्ट्रको शरणार्थी कार्यक्रममाथी धोका दिएकी छिन” । डुमिट्रुलाई एक लाख ५७ हजार पाँच सय डलर जरिवाना पनि तिर्न भनिएको छ । त्यस्तै जेल सजायँ भुक्तानी गरेपछि उनीलाई एक वर्ष रेखदेखमा रहनुपर्ने छ । डुमिट्रुले सन २०१८ को मेमा गलत ट्याक्सीवालालाई जोगाएको आरोपमा २५ हजार जरिवाना तिरेकी थिइन ।
तस्विरः एजेन्सी
प्रतिक्रिया लेख्नुहोस्:-