टेक्ससको ह्युस्टन शहर र ग्याल्टभेस्टनबाट नजिकै रहेको सान्टा फे हाइस्कूलमा आज बिहान भएको गोलीकाण्डमा परेर कम्तिमा आठजनाको ज्यान गएको स्थानीय समाचार एबिसी १३ ह्युस्टन तथा सिएनएनले जनाएका छन्। घटनामा घाइते तीनजनाको युनिभरर्सिटी अफ टेक्सस मेडिकल ब्रान्च( यूटिएमबी), ग्यालभेस्टनमा उपचार भैरहेको स्थानीय प्रहरी अधिकारीहरुले जनाएका छन्। घटना लगत्तै संदिग्ध अपराधीलाई प्रहरीले गिरफतार गरेको बताइए पनि घटनाको विस्तृत बिवरण आउन बाँकी नै रहेको छ।
सान्टा फे आइएसडीका अनुसार थप एकजनालाई पनि प्रहरीले नियन्त्रणमा लिएको छ भने स्कूलमा बिस्फोटक पदार्थ हुनसक्ने सम्भावना देखेर सम्वन्धित सुरक्षा अधिकारीहरु त्यसलाई निस्तेज पार्न सक्रिय रहेका छन्। स्कूलमा प्रहरीले ब्यापक सुरक्षा जाँच र विद्यार्थीहरुको झोला खानतलासी गरिरहेको समाचारहरुमा देखाइएको छ।
तस्वीर: सिएनएन
प्रतिक्रिया लेख्नुहोस्:-