काठमाडौं । नेकपा एमालेका अध्यक्ष केपी शर्मा ओलीले ठगी गरेर खान पल्किएकाहरुले गर्दा नै ठूला सहकारी संकटग्रस्त भएको बताएका छन्।
पार्टी निकट जन वर्गीय संगठन संयन्त्रद्वारा काठमाडौंमा शुरु भएको राष्ट्रिय महिला भेलामा बोल्दै अध्यक्ष ओलीले सहकारीहरू नियममा बसेर अघि बढने हुनाले त्यसले समस्या व्यहोर्नुपर्ने अवस्था नआउने समेत बताए।
उनले भने, ‘साना साना सहकारी बनाउनुस्। अहिले सहकारीका केही गैरसहकारी, सहकारी होइन, बाहिरका गैरसहकारीवालाहरू, सहकारीलाई माध्यमबनाएर ठगेर खानेहरू सहकारी प्रवेश गरेको हुनाले केही सहकारी ठूलो सहकारी बद्नाम भएका छन्। त्यहाँ समस्याग्रस्त भएको छ। ती संकटग्रस्त छन्। तर साँच्चैका सहकारीहरू संकटग्रस्त हुँदैनन्, छैनन् पनि। ती त्यसका आफ्ना नियमहरू छन्।’
प्रतिक्रिया लेख्नुहोस्:-