नक्कली भुटानी शरणार्थी प्रकरण : सकियो सरकारी वकिल र जाहेरवालाको बहस

काठमाडौं । आजबाट नक्कली भुटानी शरणार्थी प्रकरणमा सरकारी वकिल र जाहेरवालाको तर्फबाट बहस सकिएको छ । आइतबारबाट सुरु काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा भएको थुनछेक बहसमा भोलिबाट अभियुक्तहरूको तर्फबाट कानुन व्यवसायीहरूले बयान गर्ने छन् ।

आइतबारबाट सुरु भएको बहसमा पहिलो दिन जिल्ला न्यायाधिवक्ताद्वय महेश खत्री र जनक घिमिरेले बहस गरेका थिए । सोमबार दोस्रो दिन जिल्ला न्यायाधिवक्ता सिताराम अर्याल, सहायक न्यायाधिवक्ता दिनेश भट्टराई र प्रकाश घिमिरेले बहस गरे । तेस्रो दिन सहायक न्यायाधिवक्ता सुभद्र परियार, निर्मला मरासिनी र हरिलाल भोरणले बहस गरेसँगै सरकारी वकिलहरूको तर्फबाट बहस सकिएको हो ।