काठमाडौं । प्रमुख प्रतिपक्षी दल नेपाली कांग्रेसले प्रचण्ड नेतृत्वको सरकारले राजदूत फिर्ता बोलाउने निर्णय पूर्वाग्रहीपूर्ण रहेको आरोप लगाएको छ । मंगलबार पार्टी प्रवक्ता डा। प्रकाशशरण महतले संघीय संसद भवन परिसरमा सञ्चारकर्मीमाझ यस्तो टिप्पणी गरेका हुन् ।
प्रवक्ता महतले सरकारले देशको लागि नभई आफ्नो मान्छे पठाउनका लागि विभिन्न देशको राजदूत फिर्ता बोलाउने निर्णय लिएको आरोप पनि लगाए। सरकारले देशको लागि काम गर्ने नभई आफ्नालाई पठाउन राजदूत फिर्ता बोलाउने निर्णय लिएको उनको भनाई थियो।
प्रवक्ता महतले नेपालको हितमा काम गरिरहेका राजदूतहरुलाई फिर्ता बोलाउने सरकारको निर्णय उचित नभएको धारणा राखे। प्रवक्ता महतले प्रधानमन्त्रीको भारत भ्रमणअघि सो निर्णय लिनु झनै उपयुक्त नभएको प्रतिक्रिया पनि दिए।
प्रतिक्रिया लेख्नुहोस्:-