एनआरएनको विज्ञ भेला रोक्न अमेरिकामा मुद्धा

अमेरिका/ जुन १२
आगामी जुन १६ र १७ तारिक सानफ्रानसिन्सको हुने एनआरएन एनसीसीको विज्ञ भेला र एनआरएन अमेरिकाको साधारणसभा रोक्न टेनेसी कोर्टमा मुद्धा दर्ता भएको समाचार अमेरिकावाट सन्चालित नेपाली अनलाई हलिउड खवरले सार्वजनिक गरेको छ । एनआरएन अमेरिकाकी पूर्व उपाध्यक्ष रविना थापाले मंगलवार दिउसो एनआरएनको विज्ञ भेला र साधारण सभा रोक्न मुद्धा दर्ता गरेको समाचारमा उल्लेख गरिएको छ । उनले गत निर्वाचनमा भएको मतदान प्रक्रिया, सदस्यको आइडी कार्ड र संस्थाको गतिविधि पारदर्शी हुनु पर्ने माग गर्दै आएकी छन् ।

आयोजक पक्ष भने नेपाल र विश्व भरी छरिएर रहेका नेपालीहरुले विशेष महत्वका साथ हेरिरहेको एनआरएन आइसीसीको विज्ञ भेलालाई मुद्धाले कुनै प्रभाव नपर्नेमा ढुक्क देखिन्छ । विज्ञ भेला आयोजक समितिका संयोजक डिल्ली भट्टराई मुद्धाले कार्यक्रमलाई कुनै प्रभाव नपार्ने बताए हुन्छ । दुरविन नेपालसँग कुरागर्दै भट्टराईले भन्ने “ अदालतमा गएको समाचारमा विस्वास गर्न सकिने आधार छैन । मुद्धा दर्ता नै गरेको भएपनि कार्यक्रम प्रभावित हुने संभावना छैन ।’
कार्यक्रम आयोजक एनआरएन क्यालिफोर्नियाका कार्यक्रम संयोजन समिति सदस्य उत्तम कार्की पनि टेनेसी कोर्टमा दर्ता गरिएको मुद्धाले कार्यक्रमलाई कुनै प्रभाव नपार्ने बताउछन् । कार्कीले भने “कार्यक्रम भब्य रुपमा संपन्न हुन्छ । कार्यक्रम र रविना थापाको माग फरक विषय हुन् । यो रोकिने कुनै संभावना छैन ।’
सानफ्रानसिस्कोमा अमेरिकाका विभिन्न राज्यवाट विज्ञ र सहभागि जमघट हुन थालिसकेका छन् । एनआरएन क्यालिफोर्निया च्याप्टरका उपाध्यक्ष तुलसि प्रसाद चौलागाईको भनाई पनि भट्टराई र कार्कीसँग मिल्दोजुल्दो छ । अदालति कुरा अगाडि वढ्दै गर्दा कार्यक्रम सम्पन्न हुनेमा चौलागाइ विस्वस्त छन् ।