फिफा विश्वकप २०१८ को सातौं दिन भएको समूह ‘बि’ अन्तरगत आज बिहान भएको पोर्चुगल र मोरक्कोबीचको खेलमा पोर्चुगलले मोरक्कोलाई १-० गोलले हराएको छ। पोर्चुगलका स्टार स्ट्राइकर क्रिष्टियानो रोनाल्डोले खेलको चौथो मिनेटमा नै ‘हेडर’ गोल गरेर आफ्नो देशलाई अग्रता दिलाएका थिए। समूहको पहिलो खेलमा स्पेनका बिरुद्ध तीन गोल गरेका रोनाल्डोको आजको एक गोल सहित जारी विश्वकपमा चार गोल भएको छ। उनी यो विश्वकपमा सबैभन्दा बढी गोल स्कोर गर्ने खेलाडीहरुमा अग्रपंक्तिमा देखिएका छन् र आफूलाई ‘गोल्डेन बुट’को संभावित दाबेदारका रुपमा प्रस्तुत गरेका छन्। रोनाल्डोले आज गरेको गोल उनको ८५ औं अन्तराष्ट्रिय गोलका रुपमा दर्ज भएको छ। उनको यो रेकर्ड कुनै पनि यूरोपियन खेलाडीहरु भन्दा बढी हो।
तुलनात्मक रुपमा कमजोर अफ्रिकी मुलुक मोरक्कोले गरेका केही गोल प्रयासहरु गोलपोष्ट बाहिरबाट नै बाहिरिएका थिए। पोर्चुगल जस्तो सशक्त यूरोपियन टोलीसंग एक गोल मात्र खानु नै मोरक्कोको लागि सफलता हो भन्छन् खेल पर्यव्क्षकहरु।
तस्वीर: फिफा
प्रतिक्रिया लेख्नुहोस्:-