रसियामा जारी विश्वकप २०१८ को नवौंदिन भएको समूह ‘डि’ को नाइजेरिया र आइसल्याण्डबीचको खेलको नतिजा नाइजेरियाको पक्षमा गएको छ। नाइजेरियाका खेलाडी अहमद मुसाले दोश्रो हाफको ४९ र ७५ औं मिनेटमा गोल गरेर नाइजेरियाको दोश्रो चरणमा जाने संभावना कायम राखेका छन्। दोश्रो गोल संभवत उनको विश्वकप कै सुन्दर गोल भित्र गनिन सक्ला। एक्लो प्रयासमा सुन्दर ढंगले बल छक्याउँदै बढाए र गोलपोस्टको क्रसबारको नजिकैबाट गोल गरिदिए।
मुसाको गोल लगत्तै डिबक्सभित्र आइसल्याण्डका खेलाडीलाई ‘फाउल’ गरेबापत नाइजेरियाले पेनाल्टी पायो तर आइसल्याण्डका १० नम्बर जर्सीका गिल्फी सिगर्डसनको पेनाल्टी प्रहार माथिल्लो क्रसबार माथिबाट बाहिरियो। भिडियो रिभ्यू’मार्फत दिइएको ‘फाउल पेनाल्टीलाई आइसल्याण्डले सदुपयोग गर्न सकेन र २-१ गोलले हार्ने स्थितिबाट आइसल्याण्ड २-० गोलले नै हाय्रो।
अर्जेन्टिनासंग पहिलो खेल बराबरी खेलेको आइसल्याण्डको आजको हारले अर्जेन्टिनाको दोश्रो चरण जान सक्ने संभावना पनि कायम रहन गएको छ। नाइजेरियालाई फराकिलो गोल अन्तरले हराउन सक्यो भने अर्जेन्टिनाको दोश्रो चरणको यात्रालाई क्रोएसिया र आइसल्याण्डबीचको खेलको नतिजाले केही फरक नपर्ने हुन्छ।
तस्वीर: फिफा
प्रतिक्रिया लेख्नुहोस्:-