काठमाडौं । सत्ता साझेदार दल नेकपा एमालेका प्रमुख सचेतक महेश बर्तौलाले कांग्रेसले सत्तापक्षलाई उत्तेजित पार्ने अभिव्यक्ति दिएको टिप्पणी गरेका छन् ।
उनले आइतबार संसद भवन बानेश्वरमा सञ्चारकर्मीसँग कुरा गर्दै प्रधानमन्त्री प्रचण्डलाई माओवादी केन्द्रको सिट संख्या जादुवाला रहेको लाग्नुलाई अस्वभाविक मान्न नसकिने भन्दै अहिलेको अवस्था हेर्दा प्रधानमन्त्रीको अभिव्यक्तिमा केहि सत्यता नै रहेको बताएका हुन् ।
बर्तौलाले कांग्रेसले भनेजस्तो प्रधानमन्त्री कमजोर नभएको भन्दै प्रधानमन्त्री प्रचण्ड कै नेतृत्वमा मुलुकलाई अघि बढाउने र सबै मन्त्रीहरुले साथ दिने जिकिर गरे।
प्रतिक्रिया लेख्नुहोस्:-