काठमाडौं । नेकपा एकीकृत समाजवादीले केन्दीय समिति २९९ सदस्यीय बनाउने निर्णय गरेको छ। केन्द्रीय सचिवालयको बिहीबार पार्टी कार्यालयमा बसेको बैठकले आसन्न महाधिवेशनबाट २१ पदाधिकारीसहित २९९ सदस्यीय केन्द्रीय कमिटी चयन गर्ने निर्णय गरेको हो। यसअघि १९९ सदस्यीय केन्द्रीय कमिटी रहेको थियो।
पार्टी प्रवक्ता जगन्नाथ खतिवडाले पार्टीको सम्मानित पद यथावत् राख्ने निर्णय भएको बताए। त्यस्तै वरिष्ठ उपाध्यक्ष पद सिर्जना गर्ने र केन्द्रीय उपाध्यक्षमा एक महिला सिट अनिवार्य गर्ने निर्णय भएको उनले बताए।
त्यस्तै केन्द्रीय प्रतिनिधिबाट ५ प्रतिशत मनोनीत गर्ने प्रावधान हटाइएको प्रवक्ता खतिवडाको भनाइ छ। उनका अनुसार वरिष्ठ नेता आवश्यकता अनुसार राखिनेछ भने २१ जना पदाधिकारी समावेशिताका आधारमा चुनिनेछ।
प्रतिक्रिया लेख्नुहोस्:-