दूरबिन नेपाल, न्युयोर्क
नेपाली राजनीतिका शिखर पुरुष गिरिजा प्रसाद कोइरालाको ९७ औं जन्म जयन्तीका अवसरमा गिरिजा प्रसाद कोइराला फाउण्डेशन अमेरिकाले “नेपालको वर्तमान राजनैतिक घटनाक्रम र गिरिजाप्रसाद कोईराला” विषयक डिजिटल अन्तरक्रिया कार्यक्रम सम्पन्न गरेको छ । शुक्रबार आयोजित डिजिटल कार्यक्रममा बोल्दै नेपाली कांग्रेसकी केन्द्रीय सदस्य, पुर्व उपप्रधानमन्त्री एवम् जि. पी कोइराला फाउण्डेसनकी केन्द्रीय अध्यक्ष सुजाता कोइरालाले सहमति सहकार्यको पाटो नेपाली राजनीतिमा जीवित राख्नुपर्ने बताएकी छन् । देशमा भइरहेका पछिल्ला गतिविधिले लोकतन्त्र, प्रजातन्त्र खतरामा पर्नेतर्फ संकेत गर्दे नेतृ कोइरालाले यसका लागि कांग्रेस सचेत बन्नुपर्ने बताइन । फाउण्डेसनकी केन्द्रीय अध्यक्ष सुजता कोइरालाले गिरिजा प्रसाद कोइराला फाउण्डेशनलाई संस्थागत गर्दै लोकतन्त्र, शान्ति र विकासका लागि कार्य योजनाहरु तय गर्दै अघि बढेको बताउंदै अब छिट्टै गिरिजा वावुको जीवनीबारे पुस्तक प्रकाशन हुने घोषणापनि गरिन । यस्तै नेपाली कांग्रेस केन्द्रीय सदस्य डा. शेखर कोइरालाले इतिहासमै राष्ट्रियता अत्यन्त कमजोर भएको बताएका छन् । राष्ट्रियता देख्दा बढेको जस्तो लागे पनि तथ्यगतरुपमा त्यसो नभएको दाबी गरे । बर्तमान सरकार भ्रष्ट भएको र गलत कामको प्रोत्साहनमा निरन्तर लागेको आरोप लगाए । अब प्राप्त उपलब्धि रक्षाका लागि कांग्रेस जुट्ने बेला आएको बताए । कार्यक्रममा अमेरिका नेपाल निति अनुसन्धान केन्द्रका अध्यक्ष डा. राजन पन्त , पुर्व राजदुत डा. दिनेश भट्टराई, मिसोरी केन्द्रीय विश्वविद्यालय प्राध्यापक डा. केशव भट्टराई , बरिष्ठ पत्रकार तथा लेखक हरी अधिकारी लगायतका बक्ताहरुले आ–आफ्ना धारणा राखेका थिए । गिरीजा प्रसाद कोइरालालाई श्रध्दाञ्जली दिने क्रममा फाउण्डेशनका उपाध्यक्ष द्वय शुवर्ण लामा र रामजी मरासिनी, केन्द्रीय सदस्य विनोद थापा, ने.का. कास्की कि काषाध्यक्ष लक्ष्मी पाण्डे, ने.वि. सघं पुर्व केन्द्रीय सदस्य ज्ञानल थापा, जि.पी. कोइराला फाउण्डेसन मोरङका संयोजक कौशल निरौंला लगायत थिए । डिजिटल अन्तरक्रिया कार्यक्रमको संयोजन जी. पी. कोइराला फाउण्डेशन अमेरिकाका अध्यक्ष सोमनाथ घिमिरेले गरेका थिए ।
प्रतिक्रिया लेख्नुहोस्:-