अमेरिका । कोरोना भाइरसका कारण अस्तव्यस्त भइरहेको नेपाललाई अमेरिकाले १५ लाख डोज खोप उपलब्ध गराउने भएको छ । कोरोना भाइरसको महामारीसँग जुधिरहेका राष्ट्रहरूलाई सहयोग गर्ने प्रतिबद्धता अनुसार अमेरिकाले नेपाललाई १५ लाख डोज खोप उपलब्ध गराउन लागेको नेपाल स्थित अमेरिकी राजदूत रेण्डि बेरीले सार्वजनिक गरेका छन् । आफ्नो ट्विटर पेजमा नेपालीहरूको जीवन स्तर सुधारका लागि अमेरिका सधैँ लागि रहने उल्लेख गर्दै १५ लाख भन्दा बढी नेपालीलाई निःशुल्क खोप उपलब्ध गराउन लागिएको जनाएका छन् ।
विश्वभर महामारीसँग जुधी रहेका देशहरूलाई आठ करोड डोज खोप उपलब्ध गराउने अमेरिकाको निर्णय पछि नेपालले कति डोज खोप खोप प्राप्त गर्ला भन्ने अडकलबाजी चलिरहेका थिए । आम जिज्ञासालाई शान्त पार्दै राजदूत वेरीले ट्विटरबाट नेपालले निःशुल्क पाउने खोपको परिमाण नै उल्लेख गरिदिएका छन् ।
अमेरिका कम्पनीहरूले निर्माण गरेका कोरोना भाइरस विरुद्ध प्रभावकारी देखिएका खोप अमेरिकी सरकारबाट प्रत्यक्ष प्राप्त गर्ने एशियाका मुलुकहरूको सूचिमा नेपालको नाम भने समावेश थिएन । अमेरिकी सहयोग नियोग मार्फत नेपालले खोप प्राप्त गर्ने भएको हो ।
अमेरिकाले एस्ट्राजेनिकले उत्पादन गरेको ६ करोड डोज, मोर्डोना, फाइजर र जोनसन एण्ड जोन्सनले उत्पादन गरेको २ करोड डोज गरी तत्काल ८ करोड डोज अरू मुलुकलाई सहयोग स्वरूप दिन लागेको छ । कतिपय मुलुकलाई कोरोना विरुद्धको भ्याक्सिन खरिदमा बाटो खुला गर्न बाइडेन प्रशासन सकारात्मक देखिएको छ ।
प्रतिक्रिया लेख्नुहोस्:-