काठमाडौं । सरकारमा सहभागी नभएका तीन राजनीतिक दलले प्रधानमन्त्री केपी शर्मा ओलीको विश्वासको मत नदिने निर्णय गरेका छन् ।
आज सिंहदरबारमा नेकपा ९माओवादी केन्द्र०का अध्यक्ष पुष्पकमल दाहाल प्रचण्ड, नेकपा ९एकीकृत समाजवादी०का अध्यक्ष माधवकुमार नेपाल र राष्ट्रिय स्वतन्त्र पार्टी ९रास्वपा०का सभापति रवि लामिछानेसहितका नेताहरूबीचको बैठकले विपक्षमा मतदान गर्ने निर्णय गरेको हो ।
“सदनमा कसरी प्रस्तुत हुने भन्ने विषयमा छलफल भयो । विपक्षमा मतदान गर्ने निर्णय भएको छ,” माओवादीका प्रमुख सचेतक हितराज पाण्डेले भने ।
प्रधानमन्त्री ओलीले आइतबार सदनमा विश्वासको मत लिँदै छन् । प्रधानमन्त्री नियुक्त भएको ३० दिनभित्र विश्वासको मत लिनुपर्ने संवैधानिक व्यवस्था भए पनि ओलीले प्रधानमन्त्री नियुक्त भएको एक सातामै विश्वासको मत लिन लागेका हुन् ।
प्रतिक्रिया लेख्नुहोस्:-