न्युयोर्कमा उखर्मौलो गर्मी छल्न पानीको फोहोराको सहारा लिन पुगेका सर्वसाधरणहरु ।  फोटो : रासस / सिन्ह्वा

वासिङ्टन, ५ साउन  : अमेरिकामा तातो हावाका कारण छ जनाको मृत्यु भएको अधिकारीहरुले बताएका छन् । तीमध्ये चार जनाको पूर्वी राज्य मेरील्याण्डमा, एक जनाको पश्चिमी राज्य एरिजोनामा र अर्का एक जनाको मध्य क्षेत्रको राज्य अर्कान्सासमा भएको हो ।

अमेरिकी फुटबल खेलाडी ३२ बर्षीय मिच पेट्रुसको बिहीबार बेलुका आफ्नो पसलबाट बाहिर निस्केको बेलामा मृत्यु भएको बताइएको छ ।स्थानीय अधिकारीहरुका अनुसार एरिजोनामा एक जना प्राविधिकको पनि बिहीबार नै मृत्यु भएको छ ।

बढ्दै गएको तापक्रम शनिबार ३८ डिग्री सेल्सीयससम्म पुगेको र यो अत्यधिक धेरै मानिएको छ । अत्यधिक गर्मीका कारण कतिपय कार्यक्रमहरु स्थगित भएका छन् । कतिपय शहरमा मानिसहरु गर्मी छल्न पानीमा खेल्न पुगेका तस्वीरहरु सार्वजनीक भएका छन् ।

(रासस / सिन्ह्वा)
––