अमेरिका । नेपाली जनसम्पर्क समितिको आसन्न तेश्रो अधिवेशनमा क्यालिफोर्नियाका पूर्व अध्यक्ष नारायण खनालले महासचिवमा उम्मेदवारी घोषणा गरेका छन् । खनालले आफ्नो लागि पद प्रतिष्ठाको विषय नभई जिम्मेवारी र सेवाको माध्यम भएको बताएका छन्।
उनले संगठनको सुदृढीकरणसँगै प्रवासमा रहेका नेपाली समुदायको हक–हितको संरक्षण तथा लोकतान्त्रिक मूल्य र मान्यताको रक्षाका लागि निरन्तर योगदान गर्ने प्रतिबद्धता समेत जनाएका छन्।
उनले सार्वजनिक गरेको प्रतिवद्धता पत्रमा संगठनलाई नयाँ उचाइमा पुर्याउन एकता र साझा प्रयास आवश्यक रहेको उल्लेख गर्दै खनालले भनेका छन्-‘महाधिवेशनका प्रतिनिधि तथा सदस्यहरूसँग आफ्नो अभियानमा अमूल्य मत, सल्लाह, विश्वास र समर्थनका लागि आग्रह गर्दछु’ । चुस्त एवं प्रविधिमैत्री सचिवालय, सदकार्य, सामाजिक अतरदायित्व र प्रभावकारितामा खनालले जोड दिएका छन् ।
उनले ‘विश्वासको आधार, संगठनको बल’ महासचिवमा नारायण खनाल भन्ने मूल मन्त्रलाई आत्मसात गर्दै संगठनलाई थप सुदृढ, पारदर्शी, उत्तरदायी, प्रविधिमैत्री र गतिशील बनाउने प्रतिबद्धता व्यक्त गर्दै आफूलाई महासचिव पदमा मतदान गर्न आग्रह गरेका छन् ।
प्रतिक्रिया लेख्नुहोस्:-