क्यालिफाेर्निया, अपेक्षा गरिएभन्दा केहि ढिलाे तर अनुमान गरे अनुसार नै डेमाेक्र्याटिक पार्टीका राष्ट्रपतिय उम्मेद्वार जाेसेफ बाईडेनले क्यालिफाेर्नियाकी सिनेटर कमला ह्यारिसलाई आफ्नाे उपराष्ट्रपति चयन गरेका छन्। आगामी नाेभेम्बर महिनामा हुन गईरहेकाे अमेरिकी राष्ट्रपतिय निर्वाचनमा डेमाेक्र्याटिक पार्टीका तर्फबाट उपराष्ट्रपति पदमा चयन हुने सिनेटर ह्यारिस पहिलाे अश्वेत र आप्रवासी मुलका सन्तान हुन। आज बाईडेनले आफ्ना उम्मेदवारहरुलाई सम्बाेधन गर्दै उक्तघाेषणा गरेका हुन्। ५५ बर्षिय सेनेटर ह्यारिस यस अघि क्यालिफाेर्निया राज्यकाे महान्यायाधिवक्ता थिईन्।
क्यालिफाेर्नियामा चर्चित सेनेटर ह्यारिसकाे चयनलाई लिएर राष्ट्रपतिय निर्वाचनमा डेमाेक्र्याटिक पार्टीकाे बिजयलाई सहज बनाउन सक्ने आँकलनहरु गरिएकाे छ। त्यसाे त उपराष्ट्रपति चयनमा वाईडेनलाई कुन उम्मेदवार चयन गर्ने भन्ने बिषयमा सकस उत्पन्न भएकाे थियाे। साे पदका लागी पुर्व अमेरिकी राष्ट्रपति बाराक ओबामाकी श्रीमती मिसेल ओबामा, ओबामाकै पुर्व राष्ट्रिय सुरक्षा सल्लाहकार सुसन राईस,मिचिगनका गभर्नर ग्रेटचेन विटमेयर, ईलिनाेईसकी सेनेटर ट्यामी डकवर्थ, फ्लाेरिडाकी कंग्रेसउमन भेल डेमिङ्क्स लगायतका महिलाहरु थिए।सबै उम्मेदवारहरुलाई पछि पार्दै कमला ह्यारिस उपराष्ट्रपति पदकाे उम्मेदवार बन्न सफल भएकी छिन्।
५५ बर्षअघि क्यालिफाेर्नियाकाे ओकल्याण्डमा जन्मिएकी सेनेटर ह्यारिसका बाबु जमैकन र आमा भारतिय हुन। सेनेटर ह्यारिस र उनकी बहिनी माया जन्मेकाे केहि समयपछि उनकाे आमाबाबुकाे सम्बन्ध बिच्छेद भएकाे थियाे। उनकी आमा श्यामला गाेपालन क्यान्सर रिसर्च र सिभिल राईट मुभमेन्टमा पनि सक्रिय थिईन। २००३ मा स्यानफ्रान्सिस्काेकाे सरकारी वकिल भएर काम गरेकी कमलाले त्यस पछि क्यालिफाेर्निया राज्यकाे एटाेर्नी जनरल भएर काम गरेकी थिईन। सेनेटर बनेपछी उनलाई अमेरिकी राजनीतिमा भावी राष्ट्रपतिकाे रुपमा चर्चा गरिएकाे थियाे। उनले निर्वाचनका लागी आवश्यक रकम जुटाउन नसकेपछी आफ्नाे अभियान समाप्त गरी जाेसेफ वाईडेनलाई सघाउने घाेषणा गरेकी थिईन ।
कमला ह्यारिसकाे चयन सगैँ राष्ट्रपतिय निर्वाचनमा डेमाेक्र्याटकाे उपस्थिति शसक्त हुने अनुमान समाचार एजेन्सीहरुले गर्न थालिएकाे छ। यसै बिच कमला ह्यारिसकाे चयनलाई लिएर राष्ट्रपति ट्रम्प डेमाेक्र्याट माथि थप आक्रामक बनेका छन्। उनले एक पत्रकार सम्मेलनमा वाईडेनलाई मानसिक रुपमा कमजाेर उम्मेदवार भएकाे र सेनेटर ह्यारिसलाई कमजाेर उम्मेदवारकाे रुपमा चित्रित गरेका छन्।
प्रतिक्रिया लेख्नुहोस्:-