दूरुबिन नेपाल
उत्तरी फिलाडेल्फियाको स्टाण्डअफमा बुधवार भएको गोलीकाण्डका अभियुक्तले आठ घण्टापछि प्रहरी समक्ष आत्मसमर्पण गरेका छन । उत्तरी फिलाडेल्फिया स्थित स्टाण्डअफको निकटाउन नजिकैको आवासीय क्षेत्रमा भएको घटनाका अभियुक्त ३६ बर्षीय मरिस हिल रहेको प्रहरी प्रवक्ता एरिक ग्रिपले सम्बाददाताहरुसंग बताएका छन । बुधबार मध्यरातमा हिलले आत्मसमर्पण गरेको र उनलाई स्वाश्थ्य जाँचकोे लागि अस्पताल लगिएको प्रहरी प्रवक्ता ग्रिपले जानकारी दिए । आक्रमणकारीलाई नियन्त्रणमा लिन प्रहरीले अश्रु ग्यासको प्रयोग गरेको थियो । आरोपीको हिल सन २००० देखि नै आपराधिक गतिविधिमा रहेको र पटक पटक पक्राउ परिसकेको फिलाडेल्फियाका प्रहरी कमिसनर रिचार्ड रसले बताए । उनीमाथी विभिन्न आपराधिक आरोपहरु लगेको थियो ।
बुधवारको घटना यस्तो थियो
बुधबार जब गोलाबारी शुरुभयो तब दिउसो साढे चार बजे घटनास्थललाई प्रहरीले चारै तर्फबाट घेरेको थियो । घटना स्थल नजिकैकका सबै घर र पसलहरु खाली गरिएको थियो । बन्दुकधारीसम्म पुग्ने प्रहरीको प्रयास पटक पटक विफल भएको थियो । एक पटक बन्दुकधारी नजिकै पुगेका प्रहरीहरुमाथी गोली प्रहार भएपछि झ्यालले छेलिएर बचेका थिए । प्रहरीले गोली हानाहान भइरहेको समयमा पनि बन्दुकधारीसंग सम्पर्कको प्रयास गरेको थियो तर सफल हुन सकेको थिएन । उनलाई फोन गर्दा उठाउने तर नबोल्ने गरेका थिए । तर पछि आफुलाई शान्तिपूर्वक बाहिर निस्कन दिए आफुले आत्मसमर्पण गर्ने बताएका थिए । गोली हानाहान बुधबार मध्यान्हबाट शुरु भएको थियो । बन्दुकधारीको गोलीबाट ६ जना प्रहरीहरु घाइते भएका थिए । घाइते प्रहरीहरु अस्पतालबाट डिस्चार्ज भइसकेका छन ।
आरोपी मरिस हिलले लिएको हतियारको सन्दर्भमा निकै आलोचना भइरहेको छ । उनले लिएको हतियारको प्रकृतिको बारे केही जानकारी नदिइएको भएपनि आपराधिक पृष्ठभुमिका व्यक्तिले हतियार कसरी प्राप्त गरे भन्ने प्रश्न उठीरहेको छ । फिलाडेल्फियाको घटनाका सम्बन्धमा राष्ट्रपति डोनल्ड ट्रम्पले ट्वीट गर्दै अभियुक्त खतरनाक अपराधी भएकोले कडा सजायँ हुनुपर्ने बताएका छन ।
प्रतिक्रिया लेख्नुहोस्:-