न्युयोर्क, अगष्ट २० । यदि कसैले सेक्सको आमन्त्रण गर्छ अनि मजाले निदाउंछ भने अर्को व्यक्तिले के महशुष गर्ला ? भलै यो व्यक्तिको स्वभाव अनुसार फरक फरक होला । तर कोही व्यक्ति त यति आक्रोसित हुन्छन कि सेक्स नगरेको झोकमा ज्यानै लिनपनि तयार हुदा रहेछन ।
अमेरिकाको न्यु जर्सीमा एउटा यस्तै अचम्मलाग्दो घटनाको पटाक्षेप तब भयो जब २९ बर्षीया ताइजा रसेललाई प्रहरीले पक्राउ गर्यो ।
घटना यस्तो रहेछ
प्रहरीका अनुसार अगष्ट चार तारिखको सांझ एकजना व्यक्तिले (जसको नाम गोप्य राखिएको छ) रसेललाई रातभरी सेक्सको लागि न्यु जर्सीस्थित आफ्नो घरमा आमन्त्रण गरेका थिए । तर जब ती महिला ताइजा रसेल उसको घर पुगिन ती व्यक्तिले मेसेजको कुनै जवाफ दिएनन् । धेरैपटकको प्रयासबाट पनि ती व्यक्तिले जवाफ नफर्काएपछि ताइजालाई निकै रिस उठ्यो । अनि उनी नजिकैको पेट्रोल पम्पमा पुगिन र पेट्रोल ल्याएर ती व्यक्तिको घरमा आगो लगाइदिइन् ।
सो बेला ती व्यक्ति मस्त निद्रामा थिए भने उनको कुकुरपनि घरभित्रै थियो । तर भाग्य बलियो रहेछ, ती व्यक्तिले झ्यालबाट हाम फालेर ज्यान जोगाए । उनले प्रहरीलाई खवर गरेको बेला बिहानको साढे चार बजेको थियो । उनको घर र समानहरु अधिकांश जलिसकेका थिए । तरपनि उनी त्यती दुखी थिएनन, किनकी उनको कुकुर जिउंदो थियो ।
प्रहरीका अनुसार ती महिलाले बारम्बार फोन गरिन मेसेज गरिन कतिपय धम्कीपुर्ण सन्देश पनि पठाइन तर मस्त निद्रामा रहेका व्यक्तिले जवाफ फर्काउने कुरै भएन । ती महिलाले आफ्नो समय र पैसाको बर्बाद भएको झोकमा आगो लगाएको बताएकी छिन । प्रहरीले एक हप्तापछि रसेललाई पक्राउ गर्यो, उनीमाथी हत्या प्रयासको आरोप लगाइएको छ ।
तस्विरः न्युजर्सी पुलिस
प्रतिक्रिया लेख्नुहोस्:-