दूरबिन नेपाल
अमेरिकाको न्यु हेम्प्सायरमा विश्व आदीवासी दिवस मनाइएको छ । आदिवासी जनजाती महांसंघ नेपाल इन अमेरिका (फिप्ना), न्यु हेम्प्सायर च्याप्टरको आयोजनामा मनाइएको विश्व आदिवासी दिवसमा नेपालमा रहेका विभिन्न जनजातीहरुको नाच, भेषभुषा तथा आदिवासी पहिचान झल्काउने विभिन्न सांस्कृतिक कार्यक्रमहरुको आयोजना गरिएको थियो ।
न्यु हेम्प्सायरबाट शुरेस चाम्लिङले दिएको जानकारी अनुसार, कार्यक्रममा बोल्दै प्रमख अतिथि तथा संयुक्त राष्ट्रसंघका लागि नेपाली स्थायी प्रतिनिधि अमृत कुमार राईले अमेरिका आएरपनि नेपाली पहिचान जोगाउन जनजातीहरुले खेलेको भुमिकाको प्रसंसा गरे । स्थायी प्रतिनिधि राईले अब नेपालीहरु अमेरिकाको मुलधारको राजनीतिमापनि प्रवेश गर्नुपर्ने सुझाव दिए । त्यस्तै मिचिगन युनिभर्सिटीका प्राध्यापक महेन्द्र लावतीले विश्वभर आदिवासीहरुको अवस्था समान भएको र नेपाल सदस्य राष्ट्रभएपनि आदिवासी जनजातीहरुप्रति सरकार उदासिन भएको आरोप लगाए । कार्यक्रममा एनआरएनए अमेरिका अभियन्ताहरु शिव राई, छत्र गुरुङ र उत्सब श्रेष्ठ लगायतले आफ्ना भनाइहरु राखेका थिए । बृद्धबृदाबाट दिपप्रज्वलन गरि शुरु गरिएको औपचारिक कार्यक्रम फिप्ना न्यु हेम्प्सायर च्याप्टरका सभापति सुन्दरी गुरुङको अध्यक्षतामा सम्पन्न भएको थियो ।
तस्विरः केशव राई
प्रतिक्रिया लेख्नुहोस्:-