सरकारले दुई तिहाइको दम्भ देखाए प्रतिकार : अध्यक्ष प्रचण्ड

काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकारले दुई तिहाइ बहुमतको घमण्ड देखाए त्यसको सशक्त प्रतिकार गर्ने चेतावनी दिएका छन्।

पूर्व प्रधानमन्त्री उनले धनगढीमा भएको पार्टीको प्रदेश परामर्श बैठकपछि पत्रकारहरूसँग कुरा गर्दै सरकारको सुरुवाती दिन हेर्दा राम्रो लक्षण नदेखिएपछि दुई तिहाइको अहंकार देखाए बंगलादेश र श्रीलंकाको हालत हुन्छ भनेर सम्झाएको बताए।

‘दुई तिहाइको अंहकार नदेखाउनोस् भनेर सम्झाएको मात्र छु,’ उनले भने, ‘उहाँहरूले अलि बढी गर्न थाल्नु भो भने भ्रष्टाचारका विरुद्ध हामी सडकमा आउँछौँ।’

आफ्नो नेतृत्वको अघिल्लो सरकारले सुरु गरेको भ्रष्टाचार विरोधी अभियान नरोक्न पनि उनले सचेत गराए।