अमेरिका, १४ सेप्टेम्बर/ नेपाली जनसम्पर्क समिति, अमेरिका साउदर्न क्यालिफोर्निया च्याप्टर सभापति मदन पाठकले अधिवेशनको यथाशीघ्र माग गर्दै केन्द्रमा राजीनामा दिएका छन् । साउदर्न क्यालिफोर्निया च्याप्टरका पदाधिकारीहरू लगायत मुकुन्द ढुङ्गाना र हेमराज भट्टसमेतको उपस्थितमा आफ्नो राजीनामा पढेर सुनाउँदै उनले सो को जानकारी दिएका थिए ।
मदन पाठकको राजीनामा पत्र
च्याप्टर सभापतिको राजीनामा पश्चात् यसको काम कार्वाही कसरी चल्छ भन्ने अन्योलता बढेको छ । राजीनामाबारे केन्द्रीय सभापति आनन्द विष्टसँग सम्पर्क गर्दा आफुले राजिनामा प्राप्त गरेको र सो बारे थप बुझ्नुपर्ने बताए । विष्टले जनसम्पर्क समिति नेपाली काङ्ग्रेसको भातृ संस्था भएको हुँदा उस्को विधि बिधान र निर्देशनमा चल्नुपर्छ । नेपाली कांग्रेस केन्द्रिय कार्यालयबाट अधिबेशन सम्बन्धि कुनै कामकारवाही नगर्ने आदेश आएको छ। तसर्थ जनसम्पर्क समिति अमेरिकाको केन्द्रीय समितिले अधिबेशनको बाटो फुकाउन निर्णय गरि नेपाल पत्राचार गरेको जानकारी दिए । केही सञ्चार माध्यममा डल्लास च्याप्टर सभापति हरिबोल भन्डारिले पनि राजीनामा गरेको बारेमा सोध्दा आफुलाइ भन्डारिको राजीनामा प्राप्त नभएको बताए ।
यस अघि नेपाली जनसम्पर्क समिति यूटा च्याप्टरका सभापति प्रियरन्जन दाहालले पनि पदबाट राजीनामा दिएर जनसम्पर्क समितिको सक्रिय भूमिकाबाट बाहिर बसेका छन् ।
प्रतिक्रिया लेख्नुहोस्:-